موقع وصفات لالة لكل ما يهم السيدة العربية يقدم طريقة عمل رزيزة أو رزة القاضي بالماكينة بالصور هذه الرزيزة كتجي بنيييييينة و ساااااااهلة و رقييييييقة بحال الخيط و مميدماش بزاف و دغيا كتوجد في ضرف ساعة وحدة كتوجد
مقادير الرزيزة أو رزة القاضي بالصور:
- 700g دقيق فرص رطب
- 300g دقيق سبيسيال أو الفينو
- ملح
- ماء بارد
- 250g مركرين
- 1 ك ص زيت المائدة
- قليل من دقيق الفرص الرطب
طريقة تحضير الرزيزة أو رزة القاضي بالصور خطوة خطوة
نضع الدقيق و الملح و نجمعه بالماء تكون عجين قاصحة
نضع العجين في بلاستيك و نغطيه بي منديل كل مابقى في الميكة كل ما سهل علينا ندلكوه ممكن يبات ليلة كاملة أنا خليتو غير 2h
و من رجعليه جبرته طالق راسه و كيطرطق غير بحده
نخدوه و ندلكوه مزيان بلا منضيفه الماء حيت العجينة خاصها تكون صلبة
من بعد نقسمه العجين حرابل و نغطوهوم بالبلاستيك بلا منذهنوهم بحتى حاجة
نذوب الزبدة و نضيف لها الزيت
نأخد قطعة من العجين و نرشها بالدقيق مزيان و نطلقها قليلا بالمدلاك
نأخد 4 قطع و نطلق الأولى و نعمل فيها 2 و 3 و 4 و دائما مع رش الدقيق و نغطيها باش متشرقنش
نأخد القطعة الأولى و نطلقها بالماكينة على جيها ديال دليك العجين الماكينة كنت مرايكلاها على رقم 2 حتى نكمل 4 ديال القطعة لي عندي
من بعد ناخد كل قطعة و ندهنا بالزبدة و الزيت من الجهتين بجوج يعني من القدام و من الوراء
من بعد ندوزها في الماكينة من جهة ديال الرزيزة ندوزه 1 ونحطها فوق طاولة طويلة و ندوزه 2 و 3 و 4 و نحطوهم وحدة حدى وحدة
من بعد نخده أول وحدة ساليناها كتكون رخات راسها و كنبقاو نمدها بيدنا شوية حتى كترقاق مكنمدوش خيط بخيط و إنما كنمدده القطعة كلها من كمدده 1 كندوزه لي 2 و 3 و 4 بالتوالي
من بعد نخده 1 و نلووها على قرعة ديال الجاج أو على مدلك حنى كنلويو و حنا كنسرحها باش تزيد ترقاق و إلى شفنا باقة خاصها الزبدة كنزيد ندهنها أنا شخصيا مكنزدهاش الزبدة حيت في الأول كنعملها زبدة كافية
من بعد كنسلتوها من القرعة و نغطيوها بالبلاستيك و نخليوها ترتاح و كندوزه لويو 2 و 3 و 4 حتى كنكملهم و نغطوهم و نخليوهم يرتاحة و نعاوده عملية مرة أخرى 4 قطع بي 4 حتى يتساللنا العجين لي عدنا
من كنكمله العجين لي عدنا كنبداو بأول وحدة عملناها كن قرصها بيدنا شوية و كنطيبها في المقلة
حتى كتحمر من جوج جيهات
من كنطيبو الرزيزة كلها كناخدو برمة ونعمل فيها الماء يغلي و كنفوره الرزيزة ديالنا غير يطلع فيها لفوار من التحت نقلبها على لوجه لاخر غير يطلع فيه الفوار حتى هو و نحدها ( هذا هو السر لي كيخلي رزيزة تجي فتية و بنييييينة و رطبة ) و نحلها شوية بيدينا دغيا كتحل و لكن نخلوها شادة فرمة ديالها من بعد هذه المرحلة يمكن لنا نجمدها و قتاش محتجناها نجبدها من المجمد و نخلوها تطلق راسها و نعاوده نفورها و نقدمها
و يمكن لينا نقدمو الرزيزة أو رزة القاضي مباشرة مع العسل
وبالصحة والراحة
