ليوم جبت ليكم الكراتان للي درت لبنتي مللي جات من الروض طاحت فيه عمية وعجبها وكيد وليداتكم غاديين يجيهم زوين وبنين معليكم غير تجبدو الخضر للي فتلاجتكم وتبداو بالتطبيق هههههههههههه
المقادير:
- 3بطاطات مقطعطين صغار ومسلوقين بشوية الملح
- 2 خيزوات كبار مقطعين ومسلوقين
- دنجالة 1 قطعتها مربعات وشحرتها في زويتة بلدية وبصلة مشلضة
الصلصة نحتاج
- فرماج سوندويش مقطع
- ملعقة كبيرة مايونيز
- بيضة
- كاس حليب
- ملعقة كبيرة زبدة مقطعة
- ملح وبزار
نطربهم ونزيدهم على الخضر
نرش الفرماج وندخلو للفران يتحمر
على الله تجربو هاد الكرتان ويعجبكم
في امان الله
