طاجين بالكفتة السردين





موضوع الاخت امة الله

المقادير

  • كيلو سردين منقي ومنظف جيدا ومطحون على شكل كفتة
  • بصل دوائر انا هنا عملت 5 البصلات ولكن صغار باش يجيو زوينين في المنظر هههه
  • التوابل: القرفة – سكنجبير – بزار – خرقوم بلدي – الملح واخا ماكيناش في الصورة
  • الزعفران شعرة اختياري ولكن الى كان يكون احسن كيلدد الطاجين
  • عصير الحامض
  • 2 فصوص ثوم صغار محكوكين
  • القزبر والمعدنوس مقطعين
  • زبيب مغسول جيدا
  • زيت الزيتون
  • زيت المائدة وشوية السنيدة حتى هما ماصورتهمش




الطريقة:

في طاجين على نار مهيلة نعمل زيت الزيتون وزيت المائدة والبصل والتوابل والزعفران شعرة نسد عليها ونخليها حتى تدبال



في هذه الاثناء نعمل التوابل نفسها اللي عملت للطاجين عدا الزعفران شعرة يكفي يكون غير مع البصل ثم الربيع والثوم وقليل جدا من زيت الزيتون وقطرات قليلة من عصير الحامض نخلط الكل



ثم نعملها على شكل كويرات وتترك على جنب




في هذه الاثناء تكون نزلات البصلة نحركها ونضيف ليها الزبيب مع شوية السنيدة



ونسد عليها حتى تقرب الطيب عاد نضيف عليها كويرات الكفتة



ونخليه يطيب على عافية مهييييييييييلة جدااااااااااااااا ضروري هاد المسألة
ملي يقرب يطيب نضيف ليه عصير الحامض بلاما تكثريه باش مايطغاش



ونقلب الكويرات الى الجهة الاخرى باش تاخد اللون حتى هي بدون التحريك باش مايخصرش لينا الماكياج هههههه نقلبو بالوحدة بالوحدة


ونقدموه بالصحة والراحة



نصيحة: لنجاح هذه الوصفة ضروري مايكون السمك جديد ويطيب على عافية مهييييييييييييييييلة
وراه كيجي بنين وماكتجيش بنة السردين مجهدة وخفيف من العطرية ومغاير عن العادة