الكرشة أوتقلية بالحمص بنينة بزااف




  نقترح عليك سيدتي الكرشة أوتقلية بالحمص بنينة بزااف

مقادير الكرشة أوتقلية بالحمص بنينة بزااف 


الكرشة مخلط معها طريفات الرية والقلب والبلعوم ولمصران مضفور ولي بغا يضيف لحم الراس انا هنا ماعملتوش
بصلة كبيرة و6 أو 8 حبات ثوم وربيطة قزبر ومعدنوس كنطحن الكل فطحانة أو فالمهراز
م ك تحميرة + 1 زعفران + نصف م ص قرفة + نصف م ص كامون + م ص معمراش سكنجبير + رشيشة خرقوم تقربا ربع م ص + نصف م ص إبزار + 2 ورقات الرند أي ورق سيدنا موسى + ملح حسب الدوق + نصف كأس زيت بلدية


طريقة تحضير الكرشة أوتقلية بالحمص بنينة بزااف


خلطت الجميع وخليتها تقريبا 45 دقيقة على ما وجدت الكبدة وحيدتها من فوق المجمر


نزلتها على المجمر وغطيتها وخليتها تتشحر على خاطرها ومن بعد زدت الحمص مرطب من قبل ليلة كاملة فالماء والملح
ومرقتها وسديت عليها وحيت على الفحم خدات تقريبا ساعتين على نار مهيلة


 هاهي الكرشة أوتقلية بالحمص بنينة بزااف واجدة خليت المرقة تختر وحيدت الفائض من الزيت وقدمتها جات لديدة بزاف

بالصحة والراحة