طريقة تحضير رغايف بالفروماج






نقترح عليك سيدتي طريقة تحضير رغايف بالفروماج

مقادير رغايف بالفروماج:

  • نصف كيلو دقيق
  • ملح
  • ماء دافئ
  • نصف ساشي خميرة الحلوى

للتوراق:

  • كأس عنبة زيت و زبدة مخلطين 

الحشوة:

  • علبة فرماج رقيق الخاص بالساندويش
  • 100 غرام فرماج أحمر محكوك



طريقة التحضير:

عجني الرغايف عاديين بالدقيق و الملح و الماء و الخميرة .من بعد، شكلي من هذا العجين كويرات صغيرة و نفس العدد منه كويرات متوسطة بعدما تذهني الطاولة بالزيت و الزبدة ( مثلا : 8 كويرات صغيرة و 8 كويرات متوسطة). اتركي الكويرات المتوسطة جانبا و غطيهم بالبلاستيك الغذائي.


المرحلة الأولى:
خذي كويرة صغيرة، سرحيها بالزيت و الزبدة حتى تحصلي على دائرة رقيقة، وضعي وسطها مربع من فرماج الساندويش ثم طوي عليها العجين من الجوانب بحال الرغيفة العادية، تابعي نفس العملية حتى تكملي الكويرات الصغيرة كلها،

طيبيهم نصف طيبة في المقلاة الثقيلة وضعيهم واحدة بجانب الأخرى فوق منديل وغطيهم بمنديل آخر

المرحلة الثانية:
خذي كويرة من المتوسطين، سرحيها بيديك بالزيت و الزبدة حتى تحصلين على دائرة رقيقة، دردري عليها الفرماج المحكوك ثم ضعي وسطها الرغيفة الأولى ( مقلوبة ) من العشرة الأوائل. جمعي عليها الجوانب بحال العادة، تابعي نفس العملية حتى الأخير من بعد، عاودي طيبي الرغايف في المقلاة وكبي عليهم شوية العسل من الفوق.