بوشيار او الشيار بحال السفنج رائع للفطور- تحضير بوشيار او الشيار – تحضير بوشيار سهل وبنين – بوشيار او الشيار المغربي بالصور
مقادير بوشيار او الشيار المغربي:
- زلافة ديال الطحين الفورص
- زلافة ديال الفينو
- بيضة
- خميرة
- معلقة سنيدة
- ملح
- ماء دافئ لجمع العجين
- القليل من الزيت باش ندهنو يدينا
- زبيدة بلدية (الى مكانتش ديري زبدة عادية مع القليل من السمن)
- عسل حر ما كانتش ديري عسل عادي
طريقة تحضير بوشيار او الشيار المغربي:
كنجمعو العجينة انا كندلك و انا كنزيد في الماء حتى كتولي العجينة فحال ديال السفنج
كنغطيها ونخليها تخمر مزيان
من بعد ما خمرات كندهن يدي بزويتة ونقطع كويرة من العجينة ونكرصها فالفينو وتكون رقيقة
نطيبها مباشرة يعني تقطع وتكرص وترش المقلة الثقيلة بشوية ديال الزيت ومباشرة طيب على عافية متوسطة
منين نشوفو الخبيزة بدات كدير الفقاعات بحال لي في الصورة عاد نقلبها على الجهة الاخرى حتى طيب من جوج جهات
في مقلاة ندير الزبدة والعسل والسمن يدوبو ونغطس فيهم البوشيار حتى يترطب من جوج جوايه حتى نكملو الكمية
ونقدموهوم سخان مع شي بريرد ديال اتاي بشيبة فهاد البرد هادشي لي كيصلاح
ونقدمو بوشيار او الشيار المغربي بالصحة و الراحة
