تنظيف وتعطير نموسية بيت النعاس بكل سهولة والريحة تبقى روووعة..تصلاح حتى للزربية والموكيط





بواسطة الشطابة اليدوية البسيطة تقدري تخلي النموسية كتشعل بالنقاوة


أولا زولي الكوفرْلي أو الغطاء عن النموسية

وجيبي غرّاف صغير فيه ماء وشوية بيكاربونات الصودا

خلطي الماء مزيان حتى تذوب فيه البيكاربونات الصودا

وبلّلي كفك بالخليط وبكفك وزعيه على الشطابة اليدوية

وشطبي النموسية من الغبار والمكروب

نتي كتشطبي وكتلاحظي ان سطح النموسية كيتنظف بشكل كبيييييير

ممكن تديري عطر FA أو اي عطر آخر مكان الماء

أو تكتفي بخليط الماء اللي بغيتي

ملي تدوزي بالشطابة فوق النموسية فتحي الشراجم للتهوية وباش تنشف

النموسية من الماء مزيان

فهو ماء ودواء يقتل البكتيريا اللي ما كتشاف واللي كتدير الحساسية

من بعد ملي ينشف دردري بيكاربونات الصودا على النموسية كلها وسرحيها

بشطابة ناشفة بشكل دائري فوق النموسية وفي جوانبها ايضا

ثم فرشي بالكوفرلي او الغطاء بلا ما تسوسي الفراش

بل خلي البيكاربونات تدير مفعولها :

وهو استحالة تكوّن البكتيريا في حضور البيكاربونات

بخليط العطر او الماء وبيكاربونات الصودا كتحسي ان النموسية صارت نظييييفة وكتشعل

ممكن تطبقي هاد الطريقة على الزرابي والموكيط

وهي رائعة عن تجربة خاصة