وصفة الاخت فاتي
حليوة بتمر قسمتها على 2 شكيلات.
250غرام زبدة (ماركرين او ديال لعبار لي بغيتو حتى لبريري الى بغيتو ) بيضة كاس سكر كلاصي ربع كاس زيت 2 معالق كبار ماء الزهر قليل من ملح وقليل من خمارة راس ملعقة . نخدم زبدة مع سكر حتى تنساجم تم نضيف بيضة وزيت ونخدم الكل جيدا تم نضيف الدقيق حتى نتحصل على عجين رطب انا كفاني نصف كيلو ودقيق داءما حسب نوعيتو ونتركها فبلاستيك ترتاح تم نوجد تمر معجون مع ماء زهر وزبدة ولي بغا يضيف شي يضيف نجمعهم جيدا ونصنع كويرات صغار تم ناخد كورة متوسطة من العجينة نبسطها فكف يدي ونضع كرة تمر ونجمعها على شكل كرة تم نرشمها ونزينها وهكدا حتى نكمل وعملت هلالات نفس الطريقة فقط نعمل الكرة على شكل هلال وندخلها تطهى عند الخروج نضع الهلال في سكر كلاصي والمروحة فضلت نخليها طبيعية وبصحتكم تحياتي
