المقادير:
- 300غ سميد رقيق
- ملعقة صغيرة خميرة الحلوى
- كاس زيت بلدية
- ملعقة كبيرة سكر سنيدة
- ملعقة خميرة الخبز
- قبيصة ملح
- كاس حليب او الكمية لي تجمع لينا الخليط
مقادير الحشو:
- الكفتة متبلة اي كفتة مجودة عندنا
- بصلة مشلضة
- جزرة واحدة محكوكة
- قزبر ومعدنوس
- ملح ابزار تحميرة
الطريقة:
تناخد سميدة مع شوية ملح و شوية خميرة حلوة نبسبس جميع هذ المكونات بشوية ديال الزيت ثم نضيف للخليط الحليب مع خميرة الخبز بشوي بشوي حتى يجمع الخليط و نخليوه يخمر
ونمرو لتحضير الحشو كنشحرو اولا لبصيلة مع شوية زيت مزيان عاد كنضيفو
لكفتة والتوابل ونخليوها حتى كطيب عاد نفرغوها في اناء وفي نفس لمقلاة نشحرو الجزر مع التوابل حتى يطيب ونخلطوه مع الخليط الاول ونعملو القزبر والمعدنوس
عاد كنجيبو لعجين ديالنا نعملو كويرات نعمروهم ونبصطو بالسميد الغليض
فقوالب صغار باش ياخدو الشكل الدائري و يطيبو في المقلة
بالصحة والراحة
