وصفه مجربة لتكثيف الشعر مفيدة جداااا….جربوها و لن تندموا…





السلام عليكم حبيباتي الغزالات والله الا انا سعيده بالوجود ديالي معاكم و كنوعدكم فينما نعرف شي حاجه مهمه و مفيده منبخلش عليكم بيها


انا جبت ليكم واحد الوصفه بالنسبه لي عندها الشعر خفيف و زغبتها رقيقه هادي وصفه كتقوي الشعر انا بنفسي كنت كنديرها قبل و الله الا وصفه زوينه واخا صعيبه شويه

  • نصف كيلو حب الرشاد 
  • نصف كيلو الحرمل 
  • نصف كيلو التومه 
  • 1 لتر ماء
  • 1 لتر زيت العود



كتاخدوهم كاملين و كتوضعهم فلكوكوت و تقفلو عليهم و تعملو ليها صفاره لكوكوت باش المواد كاملها تعصر وهي كتطبخ وتخليوه مده 20 دقيقه فقط لا اقل و لا اكتر. من بعد تفتحوه و تكبوه فشي كسكاس حتا يتصفا بوحدو مزيان من بعد تحتفضو بالزيت فقط و رميو الباقي لانو مبقاش فيه حتا شي نافع.


ومنين تبغيو تمشيو الحمام تشققو شعركم بيه مزيان حتا جلده الراس و تعقدوه بالمنديل مزيان على البرد و تخليوه من 8 الى 10 سوايع راه مكيضرش و الى قدرتو تباتو بيه راه احسن و تنوضو تمشيو للحمام مباشره

















اعلانات