باش الطلامط يبقاو لاصقين على الفراش ديما بلا لمط ياما تلمط عليك بهاذ الفكرة





الحمد لله اليوم سهالت الامور ولى كلشي كيدير لاستيك للطلامط .

ولكن واخا كاين لاستيك كتخرج الطلميطة من اللور ومن القدام بكترة الجلوس والاستعمال وخاصك مرة مرة تجبديهم او تعاودي تخشيهم ملتحت عملية متعبة ومملة.

الى بغيت تتهناي بحالي ما عليك غير تشري سينتات او اشرطة تكون صحيحة ومتينة وتركبيها للطلامط.

متلا السداري ديال 2 متر كياخد 2 متر من الشريط .كتقسميه على 4 اي 50 سنتمتر فكل قطعة تم كتلمطي السداري وتقلبيه وتخيطي السينتات فالتلميطة كل 2 متقابلين تم كتعقدي كل سينتة مع لي مقابلة معاها .وهاكدا كتولي الطلميطة لاصقة على السداري ما كتمشي لا هاك لا هاك واخا دردكي فوق منو.

يمكن ليك تطوي شريط واحد على2 عاد خيطيه والشريط المقابل ليه خيطيه عادي تم اخشي العادي فلي مطوي على 2 وعقدي وهادي اسهل.

وكنصحك ما ديريش لاستيك فبلاصة السينتة راه مع المدة كيترخى.او ما تخيطيش الاشرطة على الطلميطة او هي مزولة من السداري راه ما يجيوكش مقابلين غيجيو مفاوتين. او الخياطة خاص تكون متقونة باش ما تحلش.

نتمنى تعملو هاد الفكرة انا بعدا ريحاتني بزاف بزاف .عقبى ليكم.