متتبعاتنا العزيزات اخترنا ان نقدم لكم هذا الطبق اللذيذ من اطباق عيد الاضحى المبارك،الضلعة محمرة من تحضير الاخت لمسة.
كنحتاجو ضلعة طبعا مغسولة مزيان ذهنتها بالملحة وعصير
نص حامضة ; فلحتها بالموس باش تذخل معها التشرميلة مزيان
بالنسبة للشرمولة :
قسبور ومعدنوس + 4 فصوص ثوم محكوكينوفص ثوم واحد قطعتو بالطول وخشيتو فالبلايص المفلوحين ديال الضلعة + الكامون + التحميرة + الخرقوم +القرفة+ السكنجبير
ملعقة ك السمن + شوية الزيت البلدية + شوية الزعتر محكوك فاليد
ملحة + شوية اللبابة الحامض + م.ص معجون طماطم
شرملت الضليعة مزيان بهاذ المكونات وخليتها تذخل فيها التشرميلة ساعتين
من بعد قطعت البصلة ودرتها فالطنجرة تشحر مع التوابل
وضفت عليها الضلعة تقلات شوية من بعد مرقتها وخليتها تطيب على خاااطرها
ملي طابت الضلعة هزيتها من المرقة درتها فالطاوة ذهنتهابالزبدة او السمن الي بغيتو وذخلتها الفران تحمر
من بعد زوقتها بالخص و قطع الكبدة مقلية وطبعا كل واحد حسب ذوقو .. صافي وقدمتها بالصحة و الراحة
