السلام عليكم ليديز نتمنى تكونو بخير
كاشير المدخن
المقادير:
- ١/٢ كلغ صدر الدجاج او الديك الرومي
- كاس ماء بارد من الثلاجة
- ثوم بودرة او ضويمة التوم
- ابزار ابيض او اسود
- تحميرة
- ضامة البنة الدجاج او البكري اللي بغيتو
- ٢معالق كبار مايزينا
- خميرة حلويات 8g
الطريقة :
كنطحنو الدجاج فالطحانة الكهربائية من بعد ماحيدناليه دوك الجلود والشحمة البيضاء
ناخدو الكاس دالماء البااارد نديروه فواحد الجبانية ونخلطو فيه جميييع المكونات العطرية ومايزينة والخميرة بالفوي مزيااان حتى ينسجم كلشي ايلا بغيتو ديرو الملون ديروه انا مادرتش
من بعد كنشدو الميكسور ونخلطو الدجاج مع الخليط شوية بشوية حيت كيقصاح مع التخلاط يعني ديرو شوية دالدجاج مه الخليط يتخلط حيدوه وديرو كمية اخرى
من بعد كتقادوه بالطريقة المعتادة بالسولوفان الي مدردر عليه شوية دالتحميرة والابزار باش يتلبس بيهم الكاشير و تحيدو الهواء وتزيرو مزياان من بعد فالالومنيوم وديروه فالكسكاس يتبخر مايقيسوش الماء وغيبانليكم تنفخ بزتاف ولكن من بعد فاش طفيو عليه غايبرد و يرجع للشكل ديالو
عملية التدخين :
ناخدو المقلة التقيلة دالحرشة نغلفوها بالالومنيوم ونديرو فيها 2معالق اوراق اتاي و 2معالقالسكر البني من الاحسن ونخلطو معاه حتى السكر العادي و شي شوية ديال الروز اامكركب و ديروه فوق البوطة حتى يدوب السكر ويبدا يطلق الدخان العافية تكون مهيلة من بعد ديرو شي شبيكة تكون قريبة للمقلاة بحال هاديك اللي كنبردو فوق منها الكيكة وحطو فوقها الكاشير وغطيو تاني بالالومنيوم مزياان غبدا يتحمر كل مرة قلبوه حتى يتحمر من كاع الجوانب و بالصحة والراحة
