سلطة بالعدس





نقدم لكم سلطة بالعدس سهلة ولذيذة

مقادير سلطة بالعدس :

  •  - رابعة ديال لعدس
  • 4 - ثومات محكوكين
  • 2- بصلات كبار مشلضين
  •   حفنة ديال المعدنوس مشلضة 
  •   الملح + لبزار+ معلقة صغيرة ديال الكمون+ زيت الزيتون + الخل + الحامض مرقد " مقطع طول "



الطريقة سلطة بالعدس : 


ليلة قبل نبيت لعدس فالما " باش يتنفخ و يرطب بحال اللوبية ", نديرو يتسلق فكسرونة مع شوية ديال الملح " خاص لعدس يطيب بلا ما يتعجن "

منين يتسلق نصفيه و نغسلو مزيان بالما بارد, نديرو فغناء غارق و ندير فوق منو الثومات محكوكين+البصلات مشلضين + الملح+ لبزار+شوية ديال الكمون+زيت الزيتون+الخل أو الحامض معصر

نخلط كلشي مزيان و ندير شلاضة تبرد فثلاجة, منين تبرد نقطع الحامض مرقد و نزوق به شلاضة
بالصحة و الراحة