كريب بحشوة البطاطس وخيزو الذ مايكون عن تجربة الاخت لطيفة من موقع وصفات لالة طريقة تحضير كريب بحشوة البطاطس وخيزو
مقادير كريب بحشوة البطاطس وخيزو
- نصف لتر حليب +ملح
- 240غ دقيق
- 2بيضات
- 2 معالق زيت
- زيت حامض
- شوية جنجلان او سانوج ملعقة صغيرة
- نخلط الكل ونخليوه يرتاح نصف ساعة ونطيبوهم
بالنسبة للحشوة
- طريفات بيبي او دجاج او قطع صوصيص
- مكور مقطع رقيق ممكن تعوضوه بكرعة محكوكة
- 3 خيزو محكوكين
- بطاطا متوسطة محكوكة
- حك صغير شامبنيون
- اي نوع ديال الفرماج
- ملح وابزار وزيت
طريقة تحضير كريب بحشوة البطاطس وخيزو بالصور
- نشحرو اللحم مزيان مع المكور والزيت والملح
- نزيدو خيزو محكوك ونشحرو مزيان ثم البطاطا غير تزيدي البطاطا متوقفيش على التحراك حتى يطيب الخليط باش ميلصقش في قاع المقلة ونسموه بالفرماج و الابزار ونخليوه يبرد
- نحطو لكل كريبة 2 معالق كبار ونطويوهم على شكل مسمن ونحطوهم في مول مدهون بقطرة زيت وندخلوهم للفرن يتقرمشو شوية
- اما الا تفضليهم رطبين استعملي الة البانيني
- ونزينو الكريب حسب الرغبة
