كيكة السميدة في المقلاة سهلة و سريعة التحضير تصلاح لضياف الغفلة

موقع  وصفات لالة مولاتي لكل ما يهم المرأة المغربية والعربية يقدم كيكة السميدة في المقلاة سهلة و سريعة التحضير تصلاح لضياف الغفلة

مقادير كيكة السميدة في المقلاة بالصور

• (القياس بكاس اتاي)
• 2 كيسان سميدة رقيقة
• 1 كاس حليب
• 1/2 كأس زيت
• 2 خمارات حمرين
• 1 فاني
• قبصة ملح
• 1 ملعقة كبيرة سنيدة
• 1 بيضة

ملاحضة : ثلث الحليب غادي تخليه حتى الاخير عاد زيديه حتى ترتاح العجينة حيث
غادي تكون شربات الحليب الأول

طريقة تحضير كيكة السميدة في المقلاة بالخطوات المصورة

خلطي المقادير الأولى و خليها ترتاح واحد ربع ساعة ضروري تخليها ترتاح، من بعد غادي تلقايها شربات الحليب الأول كيفما قلت عاد زيدي ليها الحليب الثاني.

سخني مقلاة ما كتلصقش بحال طيفال يكون القطر ديالها 22 سم
إلا كانت عندك وحدة كبيرة ضاعفي المقادير،
 عملي فيها 1 ملعقة زيت

فرغي الخليط و خليه يطيب من الجهة الأولى 10 دقائق على نار مهيلة بزاف

حتى تشوفي الفوق ما بقاش معجن

قلبيها بشوية و خلي الجهة الاخرى طيب عاود شي 5 دقائق، راها كتنفخ شوية.

ملي طيب حطيها في طبق التقديم وزينيها حسب الرغبة

وهاهي كيكة السميدة في المقلاة واجدة