لموضوع ده ناس كتير مهتمة بيه وجالنا عليه طلبات كتير جدا فى بشرتى عشان كده هنتكلم عنه بالتفصيل شوية
أولاً : مهم نعرف أن فيه 6 ألوان للبشرة بنسميها Phototypes و دي بتتدرج من اللون الأبيض الفاتح جدا (زي اللى بيعيشو فى الدول الاسكندنافيه زي الدانمارك والسويد و بيكون شعرهم ملون احمر او برتقالى ...) وتتدرج الألوان من الفاتح للأكثر سمارا مرورا بالبشرة القمحية و السمراء حتى البشرة السوداء تماما (زي أغلب اللى بيعيشو فى أفريقيا)
الفكرة كلها إن فيه جينات وراثية هى اللى بتتحكم فى كميات الميلانين (صبغة الجلد) اللى بيتم افرازها عشان كده كل واحد فينا بيتولد بلون معين
لكن اللى بيحصل إن كلنا خصوصا في درجات الألوان 3 و 4 و 5 بنبدأ نسمرّ زيادة عن الطبيعي على مدار سنوات حياتنا بسبب العوامل المختلفة المسببة للاسمرار واشهرها اشعة الشمس وهنبقى نتكلم عن العوامل دي تفصيلا فيما بعد ان شاء الله
عشان كده دورنا فى التفتيح العام للبشرة (الآمن) بيقتصر على تفتيح البشرة للون الطبيعي اللى اتولدنا عليه مش أكثر من كده زي ما فيه ناس كتير فاكرة
وده بروتوكول بنقدمه للتفتيح العام
1- تجنبي الشمس قدر الامكان
2- تناولي عصائر فريش واشربي شاي اخضر و اهتمى بالليمون و البرتقال و كيوي والجوافه وعسل واهتمى بالمكسرات وبالخضار كله الخضروات الورقية والطماطم والجزر .. مضادات التأكسد وبعض الفيتامينات والمعادن مهمة اوي للتفتيح
3- اشربي مياه بكميات كافية يوميا
4- لو عندك حب شباب عالجيه بمجرد ظهوره عشان مايسيبش اي بقع او اسمرار
5- صباحا لو خارج المنزل استعملى واقى شمس Photoderm 100 milk وكرريه كل ساعتين هو بيناسب الى حد كبير كل انواع البشرة
6- صباحا داخل المنزل استعملى Depiderm 50 او White objective cream
7- مساءا استعملى Unitone 4 arbutin
8- التقشير مرة اسبوعيا Avene gentle scrub
9- استعملى ماسك تفتيح اسبوعي Depiwhite mask فى يوم غير يوم ماسك التقشير
10- الترطيب اليومي وبعد التقشير Atoderm milk + Avene thermal water
استمري على بروتوكول التفتيح العام لمدة شهرين - ثلاثة شهور وستحصلين على نتائج رائعة
