تحضير كيكة بالبنان رائعة




موضوع من الاخت dounia doudou جزاها الله عنا كل خير


المقادير :

الطبقة الاولى الجنواز :

  • 2 بيضات
  • 60غ سنيدة
  • 60غ دقيق
  • قشرة حامض

كنطلعه البيض مع السنيدة و قشرة الحامض حتا يولي الخليط كريمي و نضيفو الدقيق بشوية و ندحلوها للفرن
ملي طيب كنقطعه شريط منها على قد المول لي عندنا
الطبقة الثانية

  • 50 غ شكلاط ابيض
  • 2 معلقة كبيرة كربم فريش
  • لوز محمر و مهرمش
  • 50غ فويتين

كنذوبو الشكلاط مع الكربم ثم نضيغو اللوز و الفويتين
نسرحوه فوق الجنواز و ندخلوه للثلاجة

الطبقة 3 موس البنان:

  • 250غ كريم فريش
  • 2 بنانات كبار
  • عصير نصف حامضة
  • 2 ورقات الجيلاتين

كنطلعوالكريم مع السكر و نخليوها على جنب
نطحنه البنان مع عصير الحامض و شوية سكر
نفزكو الجيلاتين في الما مدة 5 دقايق ونعصروها و نذوبوها مع شوية من البنان و مضيفوها على الباقي
من بعد نضبغو البنان على الكريم و نطربه حتا ينسجمو
المونطاج
كناخدو المول الخاص بلا بيش كنغلفوه بالبلاستيك الغدائي و نديرو لا موس ديالنا ثمن نحطه الفوق الجنواز و نضغطو عليها شوية و ندخلوها للمجمد ليلة كاملة

الكلاصاج

  • 250 غ شكلاط اببض
  • 25 سل كريم فريش
  • 25غ كليكوز
  • 2 ورقات جيلاتين
  • ملون اصفر

نخلطو الكريم و الكليكوز و الشكلاط نديروهم فوق النار حتا يذوب الشكلاط ثم نزولوه منفوق النار و نصبفو الجيلاتين لي فزكناها قبل في الما و عصرناها و في الاخير نضيفو ملون اصفر انا هنا ضفته بنكهة الحامض
نخرجو لابيش و نزولوها من المول و نصبو عليها الكلاصاج حتا يبرد شوية تكون حرارته 34 درجة و نزينوها حسب الرغبة