المقادير : غريبة الكوك والسميدة
- -250g سميدة متوسطة “ديال الحرشة”
- -100g كوك “جوز الهند”
- -100g سكر
- -120g زيت” كأس صغير”
- -2 حبات بيض
- -قشور ليمونة محكوكه
- -كيس خميرة الحلوة 11g
- -كيس سكر الفاني
- سكر صقيل للتزين
- وحبات من الكاوكاو
الطريقة : غريبة الكوك والسميدة
-نعمل السميدة+الكوك+السكر+الخميرة+الفاني و قشور الليمونة نخلط هادو مع بعض نضيف البيض والزيت ونجمع الخليط نشكل منو كرات نبسطهم قليلا ونعملهم في السكر جلاصي ندخلهم الفرن على 180° حتى يولي لونهم ذهبي ويتشقو مزيان نخليهم يبردو ونحتفض بهم في علبة باش يبقاو طريين وبالصحة والراحة
ملاحضة:
-من الأفضل تعملو بيضة كاملة وتزيدو أصفر بيضة وخليو الأبيض حتى تشوفو إلى جمعت ليكم مزيان إلى كان باقي زيدو الأبيض لأنو نوعية السميدة تختلف كاين إلي تشرب وكاين إلي لا أنا عملت 2 حبات كاملين
