كوكيز البطيخ رائع المذاق والمنظر بالصور




موقع وصفات لالة مولاتي  يقدم  كوكيز البطيخ رائع المذاق والمنظر بالصور

مقادير كوكيز ديال الدلاحة :


  • 125غ زبدة بحرارة المطبخ
  • كاس عنبة سنيدة
  • بيضة
  • كاس كبير ديال الخرطال مطحون والي ما متوفرش يدير الدقيق
  • كاس كبير ديال الدقيق
  • معلقة صغيرة خميرة الحلويات
  • خنيشة فاني
  • شوية الملح
  • ملون طبيعي اخضر و احمر
  • الشكلاط طريفات



طريقة تحضير كوكيز ديال الدلاحة :

تنخدمو الزبدة مع السكر و فاني بيدينا و من الأحسن بالباطور حتى ترجع كريمة
تنضيفو البيضة و نخدموها مزيان




تنضيفو الدقيق مع الخميرة و الملح مغربلين و كنبداو نجمعو



من بعد تنقصمو العجين على جوج واحد من دوك الزوج حتهو نقصموه كدلك على جوج يعني 3 طروفا كما يتبن في الصورة



تناخدو النصف الأكبر و نعملو فيه الملون الغدائي احمر و الطرف الثاني نعملو فيه الملون الاخضر و الطرف الثالث نخليوه طبيعي كما في الصورة



تنخلطو حتى نحصلو على اللون المطلوب والا كان العجين جارى تنضيفو شوية الدقيق باش ما يلصقش
تنغلفوهم ببلاستيك ونوضعوهم في الثلاجة مدة نصف ساعة




من بعد كنسرح العجين الابيض و نحط العجين الأحمر و نسد مزيان ونحطو فوقهم الاخضر ونجمعهم مزيان و الصور توضح الطريقة






تنقطعو العجين دوائر ثم نقطعو كل دائرة على جوج ثم نوضعو قطع الشوكلاطة من الفوق كما في الصور





بالنسبة للطياب تطيب من التحت و منين نشعلو الفوق نراقبها باش ما تحمرش بزاف
هدا الشكل النهائي ل كوكيز ديال الدلاحة رائع