الكرواصون بطريقة رائعة





السلام عليكم ورحمة الله وبركاته موقع وصفات لالة مولاتي يقدم لكم كرواصون من اعداد الاخت سعدية


المقادير 

  • 500غ طحين الفورص نوع ممتاز
  • 70غ سنيدة
  • 10غ ملح
  • 20غ خميرة 
  • 50غ الزبدة
  • 240مل حليب بارد ممكن اقل ممكن اكثر المهم تكون العجينة متماسكة قليلا.
  • للتوريق 200غ الزبدة مبسطة بالدلاك حتى تاخد شكل مربع 


الطريقة

نخلط الكل ونضيف الحليب تدريجيا حتى تجمع العجينة ثم ندلكها مزيان حتى ترطب نغطيوها بشي منديل ونخليوها ترتاح نصف ساعة ..

من بعد نطلقها بشرط يكون الطول والعرض نفس عرض ديال الزبدة اللي بسطنها تنديرها في البلاطو وندخلوه الى الثلاجة ربع ساعة باش تبرد وتكون هي والزبدة عندهم نفس دراجة الحرارة من بعد تندير الزبدة فالوسط ونتنيو العجينة عليها ثم نضغط عليها بالمدلاك بحدر كي لا تخرج الزبدة ملي نسرحوها نعاود ندخلها الى الثلاجة لمدة 20د ونعاود العملية 4 مرات وفي كل مرة ندخلها الى الثلاجة ثم نبسطها شوية لازم تكون غليظة شوية تقريبا 1سم الى 1.5سم نقطعها مستطيلات الا بغينا نحصل على الشكل اللي على الصورة اليمنى اما الا بغينا نحصل على الشكل اللي في الصورة اليسرى نقطعها مثلث ونفلحها في البداية ثم نلفها وتصفف في الطاوة ونخليوها تخمر لمدة ساعتان او اكثر ندهنهم باصفر البيض مطلوق بقليل من الحليب وندخلوهم الى الفرن سخون