مقادير :
- 8 معالق الزيت
- 8 حليب
- 6 معالق سنيدة
- 2 بيضات + فاني
- نصف كاس الماء
- 10 معالق دقيق فورص الى جاتكم خفيفة بزاف زيدو طحين
- خمارة الحلوى
- كاكاو
- جوج كيسان حليب
- جوج معالق نشا
- جوج معالق كاكاو
- جوج معالق سنيدة
- مربعات شكلاط حسب الذوق
طريقة تحضير :
نخلطوا مقادير الكيك عادية و نقسموها على اربعة جوج يبقاو بيضين و جوج نضيفو ليهم الكاكاو
و نبداو نطيبو ناخدو طيفال تكون صغيرة شيءا ما و نديرو فيها الخليط على نار مهييييييييييلة و انتابهو راها دغيا كاطيب مللي نشوفها بدات كاتنشف من الفوق نقلبها و نخليها طيب واحد خمس دقاءق و نزولها من المقلة بمساعدة سباتيل و هكدا حتى نكملوا كاع الكمية
من بعد نوجدو الكريما نخلطو جميع المقادير و نديرها فوق الناز مع التحريك حتى تعقاد و نبدا نمونطي الكيك ديالي ندير طبقة كيك و طبقة كريما وهكدا حتى نكملوا و نزينوا كيفما حبينا كانجي زوينة و مختلفة على الكيك العادي
بالصحة والراحة
