كيك رولي بالشكلاط و الفريز سهل التحضير وراااائع بالصور





السلام عليكم ورحمة الله وبركاته
موقع وصفات لالة مولاتي  لكل ما يهم المرأة المغربية والعربية يقدم كيك رولي بالشكلاط و الفريز سهل التحضير وراااائع بالصور من الاخت اميرة باخلاقي جزاها الله عنا كل خير


مقادير كيك رولي بالشكلاط و الفريز

مقادير الكيك

  • 2 بيضات
  •  2 معالق سنيدة
  •  2 معالق زيت
  •  2 معالق دقيق معلقة كاكاو(ممكن الاستغناء علا كاكاو ونديروه غير بطيبة فاني نديرو 3معالق دقيق)
  •  فاني
  •  نص معلقة صغيرة خميرة حلوة
  •  رشة ملح

 الحشوة

  •  (اختيارية) كريم باتيسيير فالاصل تتجي احسن بكريم شونتي هنا مكانتش عندي قطع فريز
  •  عصير 2 ليمونات لسقي الكيك اختياري ممكن سيرو ولا مونادا



لتزيين

3معالق كبار شكلاط ذائب
2معالق كبار ياغورت هنا درت تاع فريز حيت كيك فيه فريز
 فريز مزين بخطوط الشكلاطة



طريقة تحضير كيك رولي بالشكلاط و الفريز 


اولا نبداو ببيض نطربوه مزياان حتا يبدا يطلع ونبداو نزيدو فسنيدة بشوية مع تطراب عاد فاني ورشة ملح عاد نبداو نزيدو فزيت





نغربلو دقيق مع كاكاو ونزيدوه على خليط البيض على 2 دفعات ونحركوه بالمهل من تحت لفوق غير بمعلقة نكونو موجديين مول مغلف ببابي سيلفيريزي هنا ماكانش عندي غلفتو ببابي المنيوم لي مدهون ومرشوش بدقيق



ونخويو الخليط ونحاولو نقادوه بمعلقة يكون غير طبقة رقييقة





ندخلوه لفرن على 180 درجة 10 دقائق مكاملاش مخاصوش ينشف بزاف باش ميتهرسش وخير نخرجوه نكونو موجدين فوطة مطبخ نقلبوه فيها ونلويوه على بعضو باش يشد لافورم ونخليوه يبرد



فهاد الاثناء نوجدو الحشوة ديالنا بينما برد شوية نحلو عليه ونسقيوه بعصير ليمون ونعمروه بكريم باتيسيير مع مراعات نخليو واحد سنتيم عند الحافة باش منين نلويوه متخرش لينا كريم ونرشوه بالفريز ونلويوه



ندهنوه بشكلاط لي خلطنا مع ياغورت الفريز ونزوقوه بفريز وشكلاط لي خربقنا هه ونخليوه يبرد شوية 

وهاهو الكيك رولي بالشكلاط والفريز واجد بالصحة والراحة