تحضير فطائر صغار معمرين بالكفتة بالخطوات المصورة

وصفة الاخت فاتي

تحضير فطائر صغار معمرين بالكفتة بالخطوات المصورة

العجينة:

2 و1/2 كوب دقيق ابيض،كاس دانون مسوس،1/2 كوب حليب سائل،ملعقة كبيرة وشوية خميرة العجين، ملعقة كبيرة خميرة الحلوة، ملعقة كبيرة سنيدة،ملعقة صغيرة ملح،1/4 كوب زيت الزيتون،

تعجن المكونات وتدلك مزيان خاص العجين تكون مرخوفة ونخليوها تخمر حتى يضاعف الحجم ديالها من بعد نشكلو كويرات صغار ونغطسو كل كرة فزيت المائدة عاد نحطوها فالمول وهاكا حتى نكملو العجين ونغطيوه شوية ترتاح.

الحشو:

 بصلة مشلضة،كفتة،سبانخ مقطعين، زيتون مقطع، توابل(ملح،بزار،كمون،سكنجبير،خرقوم،ربيع،ثومة،حامض مصير،هريسة حسب الاختيار)نشحرو كل المكونات مزيان حتى طيب ونخليوها تبرد مزيان من بعد ضفت ليها كاشير محكوك، فرماج محكوك .

نرجعو للكويرات من بعد مرتاحو نديرو فالوسط كل وحدة حفرة ونعمروها بالحشوة مزياان حتى نكملو ورشيتها بشوية طحميرة او الحار لي حبيتو ودهنت الجوانب باصفر البيض ودخلتها للفران مسخن من قبل وبالصحة والراحة.