موقع وصفات لالة مولاتي يقدم لكم طريقة تحضير ورقة البسطيلة بالصور
مقادير :
- 100g دقيق
- 20g نشا ( ميزينة )
- قبصة ملح
- 1 كأس عنبة ماء
- زيت لذهن
طريقة :
في خلاط كهربائي نخلط الدقيق و النشا و الملح و الماء جيدا حتى تتجانس العناصر مع بعض ثم نصفي الخليط في مصفات لتأكد من عدم و جود حبيبات أو ماشابه
هذه هي الفرشات لي استعملت لنجاح العملية لازم استعمل فرشات مشعرة و يكونو شعرها رقاق بحال هذي إلى متوفرتش عندكم فرشات مطبخ مثل هذه يمكن لكم استعمال فرشات الحلاقة للرجال تكون جديدة حتى هي كتعطي نتيجة ممتااااااازة
فوق نار معتدلة نضع طنجرة بها ماء و نضع فوقها مقلات تكون مقتلصقش من الأحسن مركة تيفال و نخليو حتى يغلى الماء و تسخن المقلات جيدا
ثم نغطس الفرشات في الخليط و نذهن المقلات بشكل سريع إبتداء من الجوانب إلى الوسط
و راه ذغيا كتنشف و كتوجد من كطيب كتقلع من جناب بحدها عمليت الطهى مكتعداش ثواني كتكون جاهزة و كنحيدها من المقلات بسهولة
و هذا شكلها كتكون رقيقة و شفافة
ثم نضعها في طبق و نذهنها ذهنة خفيفة بالزيت و نجهز ورقة أخرى ونضعها فوقها و نذهنها بالزيت نستمر في هذه العملية حتى ينتهي الخليط و في كل مرة نذهن بي الزيت و نغطي الورقة بي بلاستيك حتى لا تيبس
