وصفة الاخت أم عصام تبارك الله عليها
السلام عليكم
نفس عجينة البيتزا اللي سبق لي قدمت نقدرو نطيبوها نص طيبة و نلفوها فبلاستيك و نحتافظو بها فالمجمد وملي نحتاجوها نخرجوها نستفوها فالاطة و نعمروها بالحشوات اللي بغينا
بالصحة والراحة
مقادير العجينة
- نصف كيلو دقيق الفورص
- بيضة
- معلقة صغيرة خميرة الخبز
- خمارة
- ياغورت طبيعي بلا سكر
- ملحة
- كاس ماعامرش ديال الحليب دافئ
- معلقة الزبدة بوماد هادي كنضيفها فالاخير
كنخلطو جميع المقادير الا الزبدة ونخليوها ترتاح 10دقايق ثم كنضيفو الزبدة أو نعاودو ندلكوها أو نديرو كريصات علي القياس اللي بغينا أو ندلكوها بالدلاك أو نقطعوها بالاطارنتقبوهم بالفورشبط أو ندخلوهم. الفران سخون يطيبو نص طيبة أو ناخدو المودزريلا محكوكة نديروها مباشرة على لاباط راها كتدوب عليها و هذا هو السر باش كاتجينا البيتزا معلكة و بحال ديال المحلات أو نديرو لاصوص طوماط أو الحشو اللي بغينا يا اما الطن او الكروفيت مشحرة او الكفتة مشحرة أو ندردرو الفروماج احمر محكوك أو ندخلوها الفران يدوب الفروماج أو نخرجوها أو نقدموها بالصحة أو الراحة.
