المقادير
- 5 بيضات.
- كأس سكر سنيدة
- كاس زيت.
- 2 مغارف كبار مايزينة.
- فاني.
- فرينة.
- 2 خميرة الحلوى.
للتتزين:
- مربى
- شوكولا مربعات
- كوكو
- مربى.
طريقة التحضير:
أول الحاجة نفقسوا البيض في إناء و نضيفوا عليه كاس سكر و نحركوا مليح حتى نتحصلوا على خليط متجانس نضيفوا الزيت و نخلطوا من بعد المايزينة والخمارةو الفرينة نضيفوها تدريجيا حتى الحصول على عجينة متماسكة و طرية (الفرينة من الأحسن نغربلوها).
و من بعد نأخذوا قطعة من العجينة و نديروها أصابع صغيرة و نحطوه في الصينية تكون مدهونة بالزيت و هكذا كي نكملوا نصاوبوا بالفرشيطة بحيث نضغطوا على كل أصبع(الأحسن بعد كلما نضغط على الحلوى نديرو الفرشيطة في الفرينة باش ما تلصقش) من بعد نحطوها في الفرن 160 درجة و هي ما طولش في الفرن تتحمر من التحت نخرجوها
//و من بعد ما تبرد نلصقوا كل زوج بالكونفيتير او شكلاط او…تترك بدون ما نلصقها و من بعد نذوب شوكولا في حمام مريم
من بعد كنبداو نخشيو نصف الحلوة في الشكلاط و من بعد في الكوك
ممكن تعوضوا الزيت بالمارغرين و كل واحد وذوقو في التزيين.
