كيكة الحامض بصوص الشكلاط والكوك
فيها الالة:
- 2 بيضات
- كأس سنيدة
- كأس زيت
- كأس الحليب
- 2 كيسان دقيق
- 2 خمارات
- 1 فاني
- قشور حامضة وعصيرها
- 1 فلان عادي
- قرصة ملح.
كنخلط المقادير كيف الكيك العادي، خويتها فمول مستطيل باش تجيني لتقطاع مي كل وحدة اختيارها مشي مشكل. دخلتها الفران مدة 25 إلى 30 دقيقة.
منين طابت وخرجتها خليتها حتى بردات عاد حيدتها من المول وقطعتها مستطيلات صغار.
حضرت صوص الشكلاط فيه:
- كأس حليب
- معلقة النشا فاني
- 2 ساشيات كاكاو
- 3 معالق سنيدة
طحنتهم فمولينكس وخويتهم فكسرونة وحطيتهم على نار مهيلة مع التحريك المستمر حتى يعقاد الخليط.
غمست فيه جوانب بربعة ديال كل مستطيل وفندتهم فلكوك أو ستفتهم فصحن التقديم.
بصحة والراحة
