نقدم لك اليوم سيدتي طريقة سهلة وناجحة لتحضير رغيفات بالدجاج وفرماج الساندوش
العجينة :
درت عجينة العشر دقائق وزدت عليها م ك موطارد وشوية ابزار .الحشوة:
بصلة مشلضة شحرتها فالزيت زدت عليها خيزو محكوك كرعة خضرة محكوكة فلفلة مربعات ولعطرية وم ك مطيشة الحك مدوبة فشوية ماء ودجاج مفرتت شاط ليا من دجاجة محمرة كنت درتها وربيع ونخلوهم حتى يطيبو نطلق العجينة على شكل مستطيل ونديرو لحشوة لوسط ونديرو طرف اليمين ديال العجينة فوق الحشوة بحال كنطوي لمسمن ونديرو طبقة ديال فرماج الساندوش وعاد نقلبو فوقو العجينة لي فاليسار وندهنو ب نيدو مخلط مع نسكافيه وشوية ماء ونقطعوه على شكل مستطيلات صغار وندخلوه للفران بلا ما يخمر من تحت عاد لفوق يتحمر
