تحضير قليبات معمرين رمضان
العجين:
- زلافة الطحين
- 2.م.ك زبدة لينة
- ملح-سكر
- شوية خميرة الدار
- زعتر
- م.ك زيت زيتون وماء دافئ لجمع العجين
نجمعو العجين ونخليوها ترتاح مدة نصف ساعة حتى لساعة
الحشوة ( اختيارية):
انا استعملت صوص طماطم (طماطم محكوكة/توابل/ملح/زعتر)
والكفتة مشحرة مع بصل /ملح -ابزار- الكمون-سكنجبير-تحميرة-هريسة -زيتون مقطع الى متوفر.
ناخد العجين وندهن يدي بالزيت و نشكل كويرات ونخليوهم ارتاحو ومن بعد نطلق كل كويرة وندهنها بالصوص طماطم وروليها ونشكلها (مثل الصور)
ونخليهم اخمرو مدة ربع ساعة حتى لنصف ساعة حسب الجو .من اخمرو نعمروهم وندهنو جناب بصفار بيض ونرشو شوية جلجلان وندخلوهم للفرن
وبالصحة والرحة.
