مقادير البغرير
- 250 غرام سميدة رقيقة
- نصف لتر ماء عادي
- 3ملاعق كبار دقيق ابيض ( يمكن تعوضوه بدقيق اصفر الفينو)
- قليل من الملح
- قليل من السكر
- 2 ملاعق خميرة معجونة حسب حرارة الجو
- 2 خمارات الحلوة
مقادير الحشوة
- 200 غرام دجاج مطيب من قبل
- بصلة مفرومة
- قليل من القزبر والمعدنوس
- قليل من التوابل حسب رغبة ( ملح وفلفل اسود وسكنجبير)
- نصف كاس صغير زيت
- 4 فرماج المثلث
الطريقة
ناخذ مقادير البغرير ونعمله فى الخلاط الكهربائي حتى يتجانس الخليط بشكل كلي من بعد نخليه يتخمر لمدة 10 دقائق فى هذه الاثناء نجهز الحشوة : نضع الزيت والبصل فى مقلة ونخليه حتى يتشحر من بعد نضيف اعليها التوابل والدجاج وبالاخير نزيده الفرماج ونحركه الخليط حتى يذوب الفرماج ويتشحر كل المكونات مزيان من بعد ما تخمر البغرير نطيبه فى مقلاة مخصصة قم نقوم بحشوه وهو ساخن ونسده من الاطراف غير نضغطه عليه شوي من بعد ما نكمل كل البغرير الي عندنا ندهنه بالزبدة وندخله للفرن المسخن من قبل حتى يتحمر قليلا ويقدم بالصحة والعافية.
