فطيرة الوردة بالكاشير والزيتون




  موقع وصفات لالة مولاتي يقدم لكم  طريقة تحضير فطيرة الوردة بالكاشير والزيتون

مقادير العجين :

  • زلافة ونص فورص
  • كاس فينو
  • معلقة ك زبدة
  • معلقة ك خل
  • قليل من الزعتر
  • قليل من الابزار
  • قليل من الملح
  • معلقة ك زيت زيتون
  • حليب لجمع العجين


مقادير الحشوة :

  • زيتون بدون عضم مقطع
  • كاشير محكوك
  • فرماج لافاش كيري ،مثلث،
  • خيزو محكوك ومشحر بقليل من الثوم والابزار والزبدة والزعتر
  • 2معالق ك مايونيز
  • بيض مصلوق محكوك
  • زيتون اسود للتزيين



طريقة التحضير :

بالنسبة للعجين نخلطوا الكل جيدا ونضبف الحليب لجمع العجية ونحاولو نخليوها لينة ورطبة ونعركوها مزيان ونديروها فبلاستيكه ونخليوها تخمر نص ساعة
بالنسبة للحشوة كنخلطوا الكاشير مع الخيزو وزيتون الاخضر بلا عضم والبيض محكوك والمايونيز
وبالنسبة لتحضير الفطائر كنطلقو العجينة بالدلاك على شكل مربع ونقادولها جنابها بالجرارة ونوضعوا الحشوة فالوسط وفوق منها نزيدوا الفرماج قطع صغيرة ونجمعوا الجوانب ديال المربع ونسدوهم بزيتون اسود وندهنوهم بالبيض وندخلوهم الفرن
وبالصحة والراحة