سلام بنات انا صوبت شوارما منزلية 100%100
بالنسبة للعجين ديال العيش :
- زلافة ديال الدقيق الفورص
- نصف زلافة فينو او سميدة رقييقة
- معلقة صغيرة خميرة ديال دار
- خمارة 1
- ملح نعجنوها بالماء نقسموها على 6 او اكتر على حسب كبر لي بغيتو كنخليوها ترتاح كنسرحوها مزيان بالمدلك حتا كتجي رقيقة من بعد كتطيبوها فالمقلة التقيلة و لي طيبناها كنديروها فبلاستيكة حتا كنكملو .
الحشوة :
صدر ديال دجاجة كاملة او صدر ديال داند
دانون مسوس
درس تومة
معلقة كبيرة عطرية ديال شوارما (كتباع عند العطار )
بصلة وحدة محكوكة
نصف كاس زيت زيتون
معلقة كبيرة عصير الحامض
ملح ابزار
كخلطو المكونات كلها كنخليوها ليلة كاملة او ديروه صباح و صيبوه فالليل مهم على الاقل 3 ساعات
بالنسبة لطريقة اللف كنديرو مايونيز من فوقو البصلة .مطيشة .طروفة الدجاج .كوريشو مقطع والفرماج وطريقة اللف فالصور
(سمحو ليا مقلتش ليكم طريقة طياب ) (كناخدو دوك الطروفة ديال الدجاج كنديروها فشي مقلة كنخليوها تشحر مزيان فديك صوص حتا كتولي لون ديالها دهبي و حتا كتشرب مزياااان ملي كطيب كنقطوهم لطريفات وكنخدمو بيهم
