ملاوي معمرين و طايبين في الفرن…شهوة منهم




من طرف : om fatma

سلام عليكم ورحمة الله تعالى وبركاته
هاد الملوي كنت كنديرو فدارنا وتفكرتو و قلت نصورو ليكم كنتمنى ينال اعجابكم

المقادير:

  • بصلة مشلظة
  • فلفلة حمراء وخضراء مقطعين
  • خيزو محكوك غليظ
  • كفتة
  • معدنوس
  • التوابل:(ملح+ ابزار+كمون +خرقوم بلدي+ تحميرة +وشوي زعتر يابس


الطريقة

كنشحرو البصلة والفلفة بالزيت ونضيفو خيزو
ونضيفو الكفتة و المعدنوس والتوابل
غير تبرد العمارة ونزيدو شوي دالفرماج محكوك
ندوزو العجينة عادية الدقيق الحرش والفورص +الخميرة د الخبز+شوي دالسكر والملح ويتعجن بالماء دافئ وويتدلك مزيان
ونعملوه كويرات ونخليوهم يرتاحو
ونسرحو الكويرة بالزيت ونرشو العمارة ونلويوها
ونرشوه بالزيت و السميدة د الحلوى
ونلفوه بحال الشنيك
ونكرصوه ونخليوه يخمر وندهنوه بالبياض ديال البيض ونرشوه بالزنجلان يطيبو فالفرن