طبقة الأولى:
- - 2 بيضات
- - نص كأس زيت
- - نص كأس سنيدة
- - نص كأس حليب
- - نص باكية خمارة حلوة
- - فانية
- - 7 معالق دقيق
• كنخلطو الكيك و كندخلوه الفرن من بعد يطيب كنسقيوه ب سيرو ديال الفريز
سيرو ديال الفريز:
- - 4 كيسان ماء
- - 10 حبات فريز
- - 4 معالق سنيدة
• كنديروهم في كسرونة فوق بوطة مهيلة(حبات الفريز كيبقاو هكداك متمعسوهمش ) حتى كيبدى يغلي و كنخليوه 10 دقائق من بعد كنحيدو حبات فريز و نخليوهم على جنب و كنعبرو 2 كيسان من سيرو كنخليوه لطبقة ثالثة و نص كأس لطبقة الثانية و شوية باش كنسقيو الكيك
الطبقة الثانية:
- - 1/2 لتر حليب
- - 3 معالق سنيدة
- - فلان فريز
- - فلان شينوا
- - حبات فريز لحيدنا من سيرو
- - و نص كأس من سيرو لدرنا
- - هنريس
• في كسرونة كنديرو الحليب و فلان شينوا و فلان فريز و 3 معالق سنيدة كندوبوهم و نديروه فوق البوطة حتى اغلى.
و في مولينكس كنديرو حبات فريز و هنريس و نص كأس سيرو فريز و خليط فلان كنطحنوهم مزيان و نصبوه فوق الطبقة الأولى و ندخلوه الثلاجة حتى اجمد
طبقة ثالثة:
- - 2 كيسان من سيرو فريز لدرنا (دوقيه جاك مسوس زيدي سنيدة)
- - فلان شينوا
• كنديروهم في كسرونة فوق بوطة مهيلة حتى اغلى و نصبوه فوق الطبقة الثانية و ندخلوه الثلاجة حتى اجمد
عند تقديم رشي الكوك في الحواف و بصحة و راحة