هذا السردين كيجي بنيييييييييين و حس من لي كتباع في المعلبات بي 1000 مرة كانت كدرهلنا خالتي الله يخليها لينا و يرزقها الصحة و السلامة و خلي لها و لدتها يارب و يفرحها بيهم
يمكن لنا نحتافضو بيه في الثلاجة كيبقى غزاااااااال و نعمله في سلطات أو البيتزا أو سندويتشات ………………… المهم كيجي غزااااااااال و من الأحسن تستعمل السردين يكون كبير شوية حيت هذا لي درت غير صغير و هو لي كاين عدنا هنا و يمكن نعوض السردين بي كبايلا حتى هو كيجي زوين المهم غير خصنا نحيدليه الشوك و الجلدة عاد نطيبوه
المقادير :
- 500g سردين مغسول و بدون شوك
- 6 فصوص الثوم
- 3 حبات السودانية
- 2 ورقات الرند
- 1/2 ك ص زيت الزيتون
- 1/2 ك ص خل
- ملح
- إبزار
الطريقة
في كوكوط نضع السردين و الثومة و السدانية و الزيت و الخل و الملح و الإبزار و ورق الرند و نغلق الكوكوط ونخليها طيب غير شوية تصفار غير شي 2 تصفيرات و نحل عليها و نخليها تنشف
