بريوش منمر راقي اقتصادي و كيذوب فالفم



نقترح عليك سيدتي وصفة البريوش المنمر من عند أم ياسمينة

المقادير

(تقدرو ديرو أي عجينة بريوش كيعجبكم )انا درت :
  • 450 غرام دقيق
  • بيضة 
  • فاني
  • 2 معالق كبار زبدة دايبة
  • ربع معلقة صغيرة ملح
  • معلقة كبيرة خمارة لعجين
  • كاس عنبة سكر
  • 250 مل حليب
  • معلقة كبيرة حليب غبرة



طريقة التحضير

نخلطو جميع العناصر ونزيدو الدقيق تدريجيا حتى نحصلو على عجينة متماسكة وفنفس الوقت لينة ندلكوها مزيان نخليوها ترتاح واحد نص ساعة من بعد نقسموها على زوج نصف يبقا ابيض ونص نزيدو لو معلقة كبيرة كاكاو ومعلقة صغيرة حليب ونحاولو ندخلو للكاكاو مزيان فالعجينة من بعد كناخدو النصف الي زدنالو الكاكاو كنقسموه على زوج نصف كنخليوه كيف ما هو ونصف نزيدو لو معلقة كبيرة كاكاو ومعلقة صغيرة حليب باش نحصلو على عجينتين باللون الفاتح واللون الداكن
 من بعد كنقسمو كل عجينة على 6 أقسام
 من بعد كناخدو العجينة الي باللون البني الفاتح كنديروها على شكل رولو من بعد كنطلقو بالدلاك العجينة الي باللون البني الغامق وكنديرو فوسطها الرولو ونسدو عليه وكنطلقو لعجينة البيضا ونديرو فوسطها الرولو البني ونسدو عليه المهم الصور كتوضح العملية كنديروه فالمول ونخليوه يخمر مرة يضاعف حجمو وإلى الفرن وبالصحة و الراحة (من الاحسن يستعمل الكاكاو المر باش كيجيو باينين الطبقات انا عندي غير العادي )
وبالف صحة