واحد النهار درنا واحد المناسبة صغيرة دخلت عند المرا للي جات طيب كلت ليها غانعاونك وفرحات خطفت ليها هاد التصيورات وسلت.
هادشي دارتو قبل بنهار شرملاتهم وبيتاتهم الغد ملي جات موصلتهاش لا تشدني نعاونها سمحولي كانو السربايا ماصورتش التقديم.
هنا الدجاج غسلاتو مزيان عاد دارتو فالحامض عاد فالملحة دارتو فشبكة يتقطر
دارت 4 ديال التومات كاملين كويرات نقاتهم وحكاتهم رقاق
دارت 4 دالقبطات القزبور كرداتو رقيييييييييييق
معلقة كبيرة ابزار
2معالق كبار اسكينجبير
معلقة كبيرة خرقوم بلدي
3ساشيات خرقوم ملون
زعفران شعرة
زيت بلدية ورومية ماعبراتش
سمن معلقة كبيرة
هادشي للي قدرت نصورو حيت مابغاتش ولكن طيابها بنين شكروه الناس. طيبات حتى اللحم 16 كلغ شرملاتها بالليل حتى هو.
الدجاج دارتليه مازال الخيط ملي بغات تردو يطيب وكدهنو بالزبدة عاد كاتحمرو والكبدة قلاتها فالزيت عاد زاتها للمرقة ولبصلة مادارتها حتى هزات الدجاج يتحمر ولاحت فيها اللب ديال الحامض مصير والزيتون هادشي للي برككت ليكم…
