وصفة الأخت غزلان تسلم الايادي تبارك الله عليها
مقادير العجين:
كأس حليب دافئ /ابيض بيضة نخليو الأصفر لدهن/ ملعقة خميرة الخبز/ملعقة صغيرة سنيدة/شوية الملحة /نصف كأس مخلط بين الزبدة والزيت يعني ربع ربع/ وكاس دقيق
كنخلطو هاد المقادير وكنخليهم خمسة دقائق ومن بعد كنزيد الدقيق الكافي حتى نحصل على عجينة لينة كندلكها ونخليها تخمر ومن بعد قسمتها على زوج دهنت الطاوة بالزبدة وبسطت العجين وتقبتو وعمرت بالحشوة وغطيتها بالنصف الاخر ديال العجين ودرت مربعات بالسكين يكون حاد ودهنت بأصغر البيض ودرت الزنجلان وحبوب الخشخاش”بافو”
الحشو:
بصلة قطعتها طويلة هي و فلفلة حلوة قطعتها حتى هي طويلة وقدرتهم يتشحرو مع شوية الزيت وملح وابزار حتى دبلو وضفت مطيشة محيدة ليها الزريعة وشوية الزعتر وشوية كركم وتحميرة وخليتهم طابو درتهم فالفطيرة ودرت طون وفرماج أحمر وفرماج ساندويتش
