الأفكار التي لا تعرفونها عن الخلاط اليدوي




اليوم بغيت نشارككم ببعض الافكار لي ممكن للطراب اليدوي يديرها من غير خلط البيض والبغرير والكيك و…
انا الخلاط فعوض ما يبقا بلا شغل كنفضل نخدمو شوية

*مثلا الى صاوبتي شي كيك ودرتي عليه شي كريم خودي الخلاط وزوقي بيه من الفوق على شكل حلزوني او خطوط كيفما حبيتي او الى ماكانش عندك الجيب.

*ويلا كان عندك شي طراب صحيح استعمليه فشي عجينة لي كيسبقو فيها السوائل عاد للدقيق …انا كنستعمل الطراب حيت مكنحملش تلصق ليا العجينة فيديا .

* وكنستعملو الى بغيت نغربل شيحاجة فشي اناء اصغر من الغربال …كندور غير بشوية حتى يتغربل كلشي .

*اما الى لصقات ليكالمرقة او اي حاجة (ماشي الحريق) خودي الطراب وحركي غيير بشششوية وهزي الفوق وخلي التحت.

*الى درتي السميدة ونسيتي ما حركتيها وتكورات ليك خوديه وحركي بيه وغادي يتحلو دوك الكويرات.

*اما المفاجأة الكبرىولي ما كتعرفوهش على الخلاط اليدوي انه كيفتل الكسكس احسن من اليدين خصوصا ايلا كان سخون او مكور كيحل هادوك الكويرات.

هادو بعض الافكار البسيطة لي ممكن تسافدي منها بالخلاط فعوض ما هو جالس بلا خدمة بلا ردمة ههههههه .والي عندها شي افكار اخرى تفيدنا