موضوع الاخت ام ريان تبارك الله عليها و جزاها الله كل خير
السلام عليكم و رحمة الله تعالى و بركاته
صابلي برستيج بثلاث نكهات
هاد الصابلي درتو ؤ بغيت نشاركو معاكم كنتمنى يعجبكم او تعطوني رايكم فيه نبداو على بركة الله
مقادير صابلي بريستيج
- عندنا رابعة الزبدة
- 2 كاس سكر صقيل
- 1 كاس زيت
- 4 بيضات
- 1 فاني
- من الاحسن بلاش الخميرة
- معلقة كبيرة نيدو
- الدقيق حسب الخليط
طريقة تحضير صابلي بريستيج
نجمعو العجينة خاص تبقى قاصحة بالنسبة ليا انا كنورق العجين وسط جوج بلاستيكات باش تسهال العملية او تجي رقيقة
بالنسبة للتزيين كنحتاجو اللوز مهرمش او محمر +الفرمسيل
2 معالق ناباج + 2 معالق كليكوز نخلطوهم او نسخنوهم مع بعض او نقسموهم على زوج كل نصف نزيدو ليه نكهة وملون انا استعملت لون اخضر مع نكهة الفستق ثم نصف الاخر استعملت ملون احمر مع نكهة التوت ثم النكهة الاخيرة استعملت كراميل + روح القهوة
الشكلاط اسود مدوب + شكلاط ابيض مدوب صوبت بيه دوك الخواتم
كندهنو صابلي مثلا بلون اخضر كنوضعو خاتم ثم نمرر جوانب في اللوز مهرمش
هاد الشكل زينتو بالفرمسيل
من بعد نضيفو راس معلقة من لون الاخضر لي هو عبارة عن نباج نخويوه الوسط الخاتم
او نستمر فحال هاد شكل حتى نكملو صابلي ملاحظة خاص الخدمة تكون نقية باش صابلي يجيكم متيول او راقي
كنتمنا تنال الاعجاب ديالكم و لاي استفسار انا في الخدمة
دمتم في رعاية الله و الى الملتقى ان شاء الله
هاهو صابلي بريستيج واجد
