الطبقة الاولى حطيت كاس سكر في كسرونة و نقصت عليه النار حتى دتب و ولى كرامال من بعد صبيت الكرامال في القالب
ومن بعد بديت نعمل في الطبقة الثانية
حطيت 3 بيضات و صبيت عليهم 2 كيسان حليب و حطيت مغرف فاني و تقريبا كاس سكر ( السكر حطيت و خليت شوي في الكاس على خاطر كي دقت الخليط لقيتو مليح في الحلاوة محبيتش نحط الكاس كلو ) وخلطهم بالخلاط ومن بعد صبيتهم فوق الكرمال بعد ما بردت ( الكرمال راهي تيبس ) ومن بعد عملت الطبقة 3
حطيت 2بيضات و حطيت فوقهم قبصة صغيرة ملح و حطيت نص كاس سكر و بديت نخلط بالخلاط من بعد ضفت عليهم نص كاس زيت و خلطت و زدت نص كاس حليب واستمريت في الخلط من بعد حطيت 1 خميرة وحطيت 2 كيسان فرينة و 2 مغارف كاكاو غامق وصبيت الخليط فوق الخليط 2 تكوني حطيتي الكوشة تاعك تسخن
في سينية تصبي ماء سخون و تحوطي فوقو المول تاعك تع الكعكة و تحطيه يطيب
45 دقيقة
كي تخرجيه خليه يبرد ومن بعد دخليه الثلاجة باش يبرد مليح و يكون مداق الكريمة لذيذ بعد 2 ساعة او 3 خرجي المل من الثلاجة و اقلبيه في صحن التقديم وشهية طيبة
قبل ماتقلبيه تاكدي بسكينة علي كامل جوانب المرل تاعك بلي مارهيش لاصقة باش تتقلب بسرعة
