المقادير:
- 250غ بودرة اللوز
- 125غ سنيدة
- 25غ زبدة بوماد
- نكهة الحامض
- قشرة حامضة محكوكة
- ابيض البيض حسب الخليط
الطريقة:
تنطحنو اللوز مع سنيدة تنضيفو قشرة ونكهة الحامض والزبدة نخدموالخليط مزيان ونضيفو ابيض البيض حتى الحصول على عقدة متماسكة نسرحوها بالمدلك بين 2 بلاستيكات نذخلوها للتلاجة تقبط ونقطعوها بطابع القلب نذخلوها للفرن لمدة 10حتى ل15 دقيقة متحمرش بزاف غير يطيب ابيض البيض ملي تبرد نزينوها بالجولي ديال الحامض وموتيف الشكلاط على شكل قلب ملون بالاصفر
مقادير جولي الحامض
200غ مربى الحامض
70غ كليكوز
فطرات من نكهة الحامض
ورقة جيلاتين مرطبة في الماء
تنوضعو المربى مع الكليكوز حتى يغلي فوق نار هادئة مع التحراك المستمر تنزولوه ونضيفو نكهة الحامض والجيلاتين نخلطو الكل ونخليوه حتى يبرد شوية عاد نوضعوه فوق الحلوة ونزينو بالموتيف ديال الشكلاط ملون بالاصفر
بالنسبة لتلوين الشكلاط تنذوبو الشكلاط الابيض في حمام مريم وتناخدو منو غير شوية تنضيفو له ملون اصفر خاص بالشكلاط تنخلطو جيدا حتى تتختفي حبيبات الملون عاد تنضيفوه لباقي السكلاط ونحركو مزيان
في حالة اضفنا الملون لكمية كتيرة من السكلاط متيعطيش اللون مزيان لان حبيبات الملون تضيع وسط كمية الشكلاط الكتيرة
بالنسبة لهاد الحلوة ممكن نديروها بنكهات متعددة متل الفريز نضيفوه بكون مجفف ومطحون مع للعقدة ونزينو بالجولي ديال الفريز ونلونو السكلاط باللون الوردي او بنكهة البرتقال نضيفو قشور البرتقال معسلة ومطحونة للعقدة ونزينو بالمربى ديال البرتقال او المشماش مضاف اليه نكهة البرتقال ونلونو الشكلاط بالبرتقالي
