هاد الفطائر كيجيو خفاف ومتشبعوش منهم وعجينتهم مختلفة غدي تعجبكم
مقادير فطائر خفاف بالطون والزعتر:
مقادير العجينة:
- كاس حليب
- كاس زيت بلدية مخلطة مع رومية
- نصف كاس ماء
- ملعقة ملح
- ملعقة تحميرة
- شوية زعتر
- دقيق حسب الحاجة (هزت لي 510 غ)
طريقة تحضير العجينة:
نحطو السوائل في القصعة مع الملح والتحميرة والزعتر ونزيد دقيق شوية حتى الحصول على عجينة رطبة وما تلصقش
نغطيها ببلاستيك ونخليها ترتاح
مقادير الحشوة:
- 4 بصلات مشلظين
- 2 فصوص ثوم
- فلفلة خضراء وحمراء ( الحمراء ممتوفراش عندي اليوم )
- زيتون مقطع حلقات
- مطيشة واحدة كبيرة مقطعة مربعات
- 2 علب طون
- 2 بيضات مسلوقين
- زعتر
- ملح
- ابزار
- 2 معالق زيت الزيتون لا اكثر
طريقة تحضير فطائر خفاف بالطون والزعتر:
نشلظ البصلة ونشحرها هي والثومة مع الزيت والملح 5 دقائق ونضيف الفلفل الوان ونحرك
ونضيف الزيتون والزعتر والابزار ونحرك ونضيف المطيشة ونحرك واحد شوية حتى تدبال مطيشة شوية
ونزيد الطون والبيض ونحرك ونطفي النار ونخلي الخليط يبرد
نسرحو العجينة ونشكلوها دوائر ومستطيلات
بالنسبة للدوائر كنحطو الدائرة وندهنو جنابها باصفر البيض ونحطو الحشوة في الوسط ونغطيوها بدائرة اخرى
نتكو جنابها مزيان بالفرشيط لي نكونو غمسناها في الفرينة باش متتحلش لينا في الفران ندهنوها بالبيض وندخلوها للفران
بالنسبة للمربعات نحطو الحشوة في الوسط ونجمعو جنابه الى الوسط بحال شي ظرف
نحاولو نسدو مزيان ونقلبوها في المول بحال المخدة وندهنوها بالبيض ونرشو عليها حبة سوداء او جنجلان او فرماج حسب الرغبة
ممكن نعملو شوصون او شنيك
ندخلوها للفران طيب ونقدموها
بالصحة والراحة
