نقترح عليك سيدتي طريقة تحضير بريوش بالحليب واللبن لذيذ بالصور
مقادير بريوش بالحليب واللبن:
- كأس كبير حليب (250 سل)
- كأس كبير لبن (250سل)
- 2 بيضات
- 4 معالق سنيدة
- 2 معالق خميرة
- 4 معالق زيت
- ملح
- فاني
- خمارة
- دقيق حسب الخليط
(للاشارة هنا استعملنا نصف المقادير)
للتزيين:
- كريم باتسيير
- زبدة
- قطع الشكلاط
طريقة تحضير بريوش بالحليب واللبن:
تندفيو الحليب واللبن ونخلطوهم مع السنيدة والخميرة و 3 معالق دقيق ونخليوهم مدة 10 دقائق حتى يطلعو
من بعد نضيفو البيض لي نكونو خلطناه مع الفاني والزيت والدقيق بالتدريج
حتى نحصلو على عجينة متماسكة ومرخووفة نغطيوها مدة 15 دقيقة عاد نقسموها ل 3 الكرات
نسرحو كل كرة على شكل دائرة بالدلاك
ندهنو الدائرة الاول بالزبدة لي تكون رخوة ونحطو عليها الدائرة الثانية وندهنوها حتى هي بالزبدة عاد نغطيوها بالدائرة الثالثة
من بعد نحاولو نسرحوها على شكل مستطيل وندهنوها بالكريم باتيسيير ونرشوها بقطع الشكلاط
ونلويوها على نفسها
ونبداو نقطعو فيها بالموس دوائر بحال شنييك
ونستفوهم في مول يكون مدهون مزيااان بالزبدة ومنزيروش بيناتهم باش يلقاو فين يخمرو
بعدما خمرو تندهنوهم بالبيض وشوية الخل ونيسكافي
وهنا بقاو 2 دوائر نديروهم فهاذ المولات الصغار
ونكونو موجدين الفران مسخن مزيان على درجة 200 وندخلو ليه البريووش ونقصوو عليه نخليوه ق 160 درجة باش يطيب من الداخل بلا ميتحرق
ومنين يخرج نقلبوه في شبكة ونخليوه يبرد
منين تيبرد مزياانر نزينوه بصوص الكراميل واللوز ايفيلي
وهاهو البريوش بالحليب واللبن واجد
