●المرحلة الأولى:
مقادير الكيكة:3 بيضات كاس سنيدة كاس زيت 2 معالق كاكاو مر 2 خمارات 2 كيسان دقيق ندهنو المول ونخوي فيه الخليط وندخلوها طيب
●المرحلة التانية:
منين نخرجوها نكونو موجدين سيرو ليمون معصر معلقة سنيدة و نص معلقة فاني نقسمو الكيكة على 3 ونسقيوها بالسيرو
●المرحلة التالتة:
نكونو طلعنا الكريم شانتيي اما بالكريم الفريش والسكر كلاصي او ب بودرة الكريم اللي كتباع مع الحليبنحطو كل طبقة نسقيوها ونديرو طبقة من الكريم تم الكيكة وهاكا حتى نساليو الطبقات ب 3
●المرحلة الرابعة:
ربع لتر لمون مصفي معاه معلقة كبيرة سنيدة و 2 فلان فاني ديال درهم يغليو فوق البوطة نخليوه يبرد شوية ونكبوه فوق الكيكة غير بلمهل كآخر طبقة
نشدو الشكلاط محكوك نزينو بيه جوانب الكيكة و الشانتيي الليبقى نزوقو بيه وجه التورتة
وبالصحة والراحة
