نقدم لك سيدتي: كيكات صغار معمرين للصغار والكبار وبطريقة ناجحة
مقادير كيكات صغار معمرين للصغار والكبار وبطريقة ناجحة
- أربع (4) بيضات
- كأس ياغورت (نكهة الفاني )
- كأس عنبة سكر
- 2 كؤوس عنبة دقيق
- 2 خمارات
- 1 فاني
- نصف كأس زيت
- 2 معالق كبار عامربن من الكاكاو
الحشوة :
- ربع لتر حليب
- معلقة كبيرة من غبرة كريم الحلواني ( باتيسيير)
- قشرة الحامض محكوكة
- 2 معالق كبار سكر
- شوي من الفواكه الجافة أو المصبرة
طريقة كيكات صغار معمرين للصغار والكبار وبطريقة ناجحة:
أولا الكيك
طربي البيض مع السكر و الفاني حتى يرغوي . زيدي عليهم الياغورت و الزيت وطربي من جديد . في الأخير , أضيفي الدقيق مخلط مع الخميرة و الكاكاو و خلطي الكل بشوي بملعقة خشبية.
ذهني المول الصغار بالزبدة و دردري عليهم الدقيق .عمريهم حتى إلى الثلثين بالخليط و طيبيهم في فرن معتدل ( 180 °) وخليهم جانبا
خلطي الحليب مع السكر و غبرة لاكريم ثم طيبيهم على نار مهيلة مع التحريك حتى يقصح الخليط ثم أضيفي قشور الحامض.
قلبي الكيكات و عمري الثقب بلاكريم وزينيهم بالفواكه الجافة مهرمشة أو المصبرة مقطعة صغيرة أو بالشوكلاط شعرية
