يلا بغيتي الدجاج يجي لونه زوين في المرقة ولذيييذ بزاف..ها شنو ديري





السلام عليكم حبيباتي


اليوم جيت نشارك معاكم واحد الطريقة كتجي رائعة فطهي الدجاج مغتشبعوش منو

بالنسبة للدجاج ديما قبل ماكنصبوا كنصب الزيت في المقلة

وندير فيها طريفات الدجاج ونقليهم مع الملحة والبزار حتى يوليوا محمرين

من بعد كناخدهم ونصفيهم من داك الزيت وكنصبهم في الطنجرة مع بصلة وزيت وسكنجبير وابزار وملح

صدقوني ملي كتوجد المرقة مع اي نوع من الخضرة كتجي كتحمق

اولا لانه الزيت الي نصبت بيه ماكيكونش محروق وثانيا لون الدجاج كيجي محمر ماشي ابيض

ونزيدكم الزيت الي قليت فيه الدجاج مكنرميهش كنحتافض بيه فقريعة حتى للمرة الجاية

نتمنى حبيباتي تعجبكم فكرتي وتجربوها