السلام لبنات فقاص مورق اكثر من رااااااائع ولدييييد بزاف كيجي بحال les palmiers في المداق .
العجين
- 1 كيلو دقيق ممتاز مغربل
- 500غ من الحليب الدافى
- 2 بيضات
- 200غ زبدة ممتازة دايبة
- 1 معلقة كبيرة ملح
- 1 معلقة كبيرة سنيدة
- 1معلقة كبيرة خميرة فورية مفزكة في شوية من الحليب اللي عندنا.
- 2 خميرة الحلويات 7غ
- 2 فاني 7غ
الطريقة
تخلط المواد كاملة وتجمع بلا ماندلكوها. ترتاح 15دقيقة
انقصموها على 4 الكريصات وتطلق بالمدلك وترش ب 200غ سنيدة مغربلة مخلطة مع 2 فاني يعني هاد القياس ديال سنيدة انقسموه على 4 ديال الكريصات اللي عندنا .
من بعد مانرشو سنيدة نلويو الحربولات كيف وضحت في الصور وانخليوه يخمر 45 دقيقة في البرد.
يدخل ايطيب على فرن سخون في حرارة 155درجة. غير يتحمر شوية انحيدوه وانغطيوه حتى يبرد نهائيا عاد انقطعوه رقيق وانحمروه.
كايجي خفيف واكتر من رائع.
