مقادير الحشوة
- 500غ كفتة
- 500غ بصلة مشلضة رقيقة
- 1فلفلة خضراء محكوكة رقيقة
- 1معلقة صغيرة سوماق بودرة ايلا معندكش بلاش.
- 4معالق كبار زيت المائدة
- 2 معالق كبار زبدة
- ملح ابزار شوية راس الحانوت
- شوية القرفة
- 2معالق كبار معدنوس رقيق
- ملح 10 بيضات
تحضير الحشوة
نديرو كل شي في المقلة حتى ايطيب وانزيدو عليه البيض وانحركو حتى تنشف الحشوة مزيان ويرجع البيض كامل كويرات بحال حبات الكسكس ضروري. ياخد ليكم شي 15 دقيقة في هاد المرحلة. يترك الكل يبرد.
عجين الرغايف كيجي هاااائل ومداق روعة
- 600غ فورص
- 100غ فينو
- 1معلقة كبيرة زبدة
- معلقة صغيرة موطارد
- شوية خميرة معجونة تقريبا قد الحمصة
- 1 خميرة الزا
تحضير العجينة
وتعجن بالماء بارد مزيان وترتاح اوهي كويرات شي ساعة.
انسرحوها وانرشوها بشوية من الزبدة دايبة وشوية من خليط متكون
كاس عنبة بودرة اللوز
كاس عنبة مايزينة
1 خميرة الزا
كاس عنبة فينو.
اللمسات الأخيرة
نعمرو الحشوة في الوسط ديال الرغيفة اللي طلقنا على شكل مربع تم انجمعوالجوانب باش انكونو كويرة مجموعة بحال اللي في الصورة.
ترتاح وبدون مانقرصوها تدهن مزيان بالزبدة دايبة وتدخل الفرن على 180 دىجة حتى تحمر وترش بالفرماج والسوماق .
